🔎
دوّر على منتج
محتاج دوا مش لاقيه؟ صوّره واختار "صيدليات"، والصيدليات اللي عندها هترد عليك بالسعر والعنوان.
برنامج نقاط لمحلات مصر
كل حاجة بتشتريها
بترجعلك فلوس
اشتري من المحلات المشتركة في بوينتي، والكاشير يضيفلك نقاط كاش باك برقم موبايلك. كل نقطة بـ 10 قروش، وتصرفها خصم في نفس المحل.
- من غير كروت، برقم موبايلك بس
- الصرف بكود على واتساب أو QR
- كل نقاطك من كل المحلات في مكان واحد
إزاي بتكسب؟
3 خطوات، ومن غير ما تعمل أي حاجة زيادة وانت بتشتري.
- 1
اشتري من محل مشترك
ادور على المحلات من التطبيق: بالقسم، أو بالخدمة زي "توصيل" أو "مفتوح 24 ساعة"، أو الأقرب ليك.
- 2
قول رقم موبايلك للكاشير
أو ورّيه QR العضوية. النقاط بتنزل في حسابك على طول، ويوصلك إشعار.
- 3
اصرفها خصم
في المحل نفسه أو فروعه. الكاشير يبعتلك كود على واتساب، أو تطلّع QR من التطبيق.
📍
الأقرب ليك
شوف المحلات حواليك بالمسافة، وتقييمات الناس اللي اشتروا منها فعلاً.
🎁
عروض ليك انت
المحلات اللي بتحبها بتبعتلك عروضها، وتقدر تقفل العروض في أي وقت من حسابك.
⏳
عارف كل نقطة هتخلص امتى
تفاصيل كل دفعة نقاط: من أنهي محل، وتتصرف فين، وآخر يوم ليها.
لصحاب المحلات
برنامج ولاء كامل يرجّع عملاءك تاني، من غير كروت ولا أجهزة.
تطبيق كاشير بسيط
3 زراير: إضافة نقاط، صرف بالكود، Scan QR. شغال على أي موبايل أو تابلت أو كمبيوتر المحل.
إنت اللي بتحدد
نسبة الكاش باك، وحدود كل كاشير بالجنيه، والعمليات الكبيرة تستنى موافقتك. والنقاط تتصرف عندك بس أو في كل فروعك.
صلاحيات لكل موظف
الكاشير يشوف بس اللي سمحتله بيه: إضافة، صرف، مرتجع، تقارير، رد على العملاء.
حملات واتساب
ابعت عرض أو خصم لعملائك بفلاتر: اللي ما زاروكش من شهر، أو اللي معاهم نقاط. وتشوف العدد والسعر قبل ما تطلب.
عملاء جداد بيدوروا عليك
العملاء بيلاقوك بالقسم والخدمة والمسافة، وبيبعتولك طلبات المنتجات اللي بيدوروا عليها.
شبكة محلات قسمك
محتاج صنف ناقص أو عندك فائض؟ اكتب طلب يوصل للمحلات اللي زيك، واتكلموا وتبادلوا.
الأسعار
للعملاء: مجاناً دايماً. للمحلات:
عرض الإطلاق
الاشتراك السنوي
1,200 ج 300 ج في السنة
- أول 30 يوم مجاناً
- تطبيق الكاشير ولوحة التاجر
- فروع وكاشيرية من غير حد
- التقارير والتقييمات وطلبات العملاء
مميز
200 ج في الشهر لكل مدينة
- محلك يظهر الأول في البحث في مدينتك
- علامة "مميز" على محلك
- مكان في "محلات مميزة" في الرئيسية
حملات واتساب
من 7 ج للرسالة
- لعملاءك بالفلاتر
- أو لعملاء جداد في مدينتك (9 ج للرسالة)
- بتدفع على العدد اللي هيوصله بس
قيمة النقاط اللي بتديها لعملائك بتتحسب عليك وترجعلك لما تتصرف عندك. الدفع بتحويل فوري أو محفظة.
سجّل محلك
سيب بياناتك وهنكلمك نفعّل محلك ونعلّمك تستخدم بوينتي في دقايق.
- 30 يوم تجربة مجانية
- من غير أجهزة أو تركيبات
- هنساعدك تضيف فروعك وكاشيريتك
أسئلة بتتسأل كتير
النقطة بكام؟
النقطة بـ 10 قروش. يعني 100 نقطة = 10 جنيه خصم.
أصرف نقاطي فين؟
عند المحل اللي ادّاك النقاط أو فروعه، حسب ما المحل محدد. في التطبيق بتشوف كل دفعة نقاط بتتصرف فين بالظبط.
النقاط بتخلص؟
أيوه، كل دفعة ليها مدة صلاحية بيحددها المحل (غالباً سنة)، والتطبيق بينبهك قبل ما تخلص.
لازم أنزل التطبيق؟
لأ. الكاشير يقدر يضيفلك نقاط برقمك حتى لو ما سجلتش، ولما تسجل برقمك بتلاقيها مستنياك. وتقدر تستخدم بوينتي من المتصفح على app.point-y.com.
أنا صاحب محل، بدفع إيه بالظبط؟
اشتراك سنوي، وقيمة النقاط اللي بتديها بتتحسب عليك وترجعلك لما العميل يصرفها عندك. المميز والحملات اختياري.